English   

కేట్ శర్మ ఆరోపించింది అంతా ఒట్టిదే !

Subhash-Ghai
2018-12-07 18:13:12

లైంగిక వేధింపులతో విసిగి వేసారిన బాధిత మహిళలు మీటూ (#MeToo)ఉద్యమాన్ని ప్రారంభించగా, ఓ దశలో నటనా రంగంలోనే కాక అన్ని రంగాల్లో ఈ ప్రకంపనలు వచ్చాయి. కానీ కొందరు దీనిని అదునుగా తీసుకుని డబ్బు కోసమో అవకాశాల కోసమో చేస్తున్నారు. అటువంటి సందర్భాల్లో చేసిన మీటూ ఆరోపణల పై సహచర మహిళలే ఎదురుదాడి చేసిన సందర్భాలూ ఉన్నాయి. సరిగ్గా ఓ బాలీవుడ్ దర్శక నిర్మాత విషయంలో అదే జరిగింది. నటి, మోడల్ కేట్ శర్మ చేసిన ఆరోపణలు నిజం కాదని పోలీసులు తేల్చేశారు.

బాలీవుడ్‌ ప్రముఖ దర్శకుడు, నిర్మాత సుభాష్‌ ఘాయ్‌ కొన్నేళ్ల క్రితం తనపై అత్యాచారానికి పాల్పడ్డాడని ఓ మహిళ ఆరోపణలు చేసిన క్రమంలో మోడల్, నటి కేట్ శర్మ రంగంలోకి దిగింది. సుభాష్ ఘాయ్‌పై తీవ్ర ఆరోపణలు చేసింది. సుభాష్‌ ఘాయ్ ఆగస్టు 6న తన ఇంటికి పిలిచారని ఆరుగురు వ్యక్తులు ఉండగానే మసాజ్‌ చేస్తావా అని అడిగారని రెండు నుంచి మూడు నిమిషాలు మసాజ్‌ చేశా. ఆపై బాత్‌రూమ్‌లోకి వెళ్తే తన  వెనకాలే వచ్చిన దర్శకుడు ఒక్కరాత్రి తనతో గడిపితే ఇండస్ట్రీకి పరిచయం చేస్తానని, లేకపోతే ఏం చేయలేవని లొంగదీసుకోవాలని చూశాడని కేట్ సంచలన ఆరోపణలు చేసింది. సినిమా డిస్కషన్ చేద్దామని తన బెడ్రూమ్‌కు తీసుకెళ్లాడని, ఆపై అకస్మాత్తుగా దగ్గరికి లాక్కుని లిప్‌కిస్ పెట్టబోయాడని ఆమె ఆరోపణలు చేసింది. ముంబైలోని వెర్సోవా పోలీస్ స్టేషన్‌కు వెళ్లిన కేట్ ఫిల్మ్ మేకర్ సుభాష్ ఘాయ్‌పై ఫిర్యాదు చేసింది. వాస్తవానికి బర్త్‌డే పార్టీలో సుభాష్ ఘాయ్‌తో దిగిన ఫొటోలను కేట్ శర్మ సోషల్ మీడియాలో పోస్ట్ చేసి రచ్చ రచ్చ చేసింది. 

కేసు విచారణ చేపట్టిన పోలీసులు సుభాష్ ఘాయ్ ఏ తప్పు చేయలేదని, కేట్ శర్మ ఆరోపణలకు తగిన ఆధారాలు లేవని స్పష్టం చేశారు. విచారణ చేపట్టగా కేట్ శర్మ వెనక్కి తగ్గి కేసు వాపసు తీసుకుందని, అడిగితే తన తల్లి ఆరోగ్యం బాగాలేదని సాకులు చెప్పిందని పోలీసులు వివరించారు. దీంతో ఇన్ని రోజులు తనను ఇంత మానసిక క్షోభకు గురిచేసిన ఆ నటి  మీద తన లాయర్లను సంప్రదించి చర్యలు తీసుకుంటానని ఆ దర్శకుడు పేర్కొన్నాడు. 

More Related Stories