English   

మా ప్రయాణం ఇలా అర్ధంతరంగా ముగుస్తుందనుకో లేదు ?

Jr NTR
2019-05-06 18:14:52

యంగ్ టైగర్ ఎన్టీఆర్ ఎప్పుడూ అభిమానుల శ్రేయస్సు కోరుతూ ఉంటారు. ఈ విషయాన్ని ఆడియో రిలీజ్, ప్రీ రిలీజ్ వేడుకల్లో మనం గమనించవచ్చు, వారు క్షేమంగా ఇళ్ళకు వెళ్ళాలని జాగ్రత్తలు చెబుతూ ఉంటారు. మీకోసం మీ వాళ్లు ఇంట్లో ఎదురుచూస్తూ ఉంటారు దయచేసి సురక్షితంగా తిరిగి వెళ్లండి అంటూ సూచిస్తారు. అంతలా అభిమానులపై ప్రేమను పెంచుకునే ఎన్టీఆర్‌ ఈరోజు తన అభిమాని మరణంతో చలించిపోయారు. కృష్ణా జిల్లా ఎన్టీఆర్ అభిమాన సంఘం ప్రతినిధి జయదేవ్ చనిపోయారన్న వార్త విన్న ఎన్టీఆర్ తీవ్ర ఆవేదన వ్యక్తం చేశారు. ఈ మేరకు జయ దేవ్‌ ను గుర్తు చేసుకుంటూ ఫేస్‌బుక్‌లో ఒక పోస్ట్ పెట్టారు. ఆయన పోస్ట్ యధాతదంగా  “నాకు అత్యంత ఆప్పుడు, కృష్ణ జిల్లా అభిమాన సంఘం ప్రతినిధి జయదేవ్‌ ఇక లేరు అన్న వార్త నన్ను తీవ్ర మనస్తాపానికి గురి చేసింది. ‘నిన్ను చూడాలని’ చిత్రంతో మొదలైన మా ప్రయాణం ఇలా అర్ధాంతరంగా ముగిసిపోతుంది అని ఊహించలేదు. నటుడిగా నేను చూసిన ఎత్తుపల్లాలలో నాకు వెన్నంటే ఉన్నది నా అభిమానులు. ఆ అభిమానులలో, నేను వేసిన తొలి అడుగు నుండి నేటి వరకు నాకు తోడుగా ఉన్న వారిలో జయదేవ్‌ చాలా ముఖ్యమైన వారు. జయదేవ్‌ లేని లోటు నాకు తీరనిది. ఆయన ఆత్మకు శాంతి కలగాలని కోరుకుంటూ, ఆయన కుటుంబానికి నా ప్రగాఢమైన సానుభూతిని తెలుపుతున్నాను’ అని ఎన్టీఆర్ తన పోస్టులో పేర్కొన్నారు. జయదేవ్‌తో దిగిన ఫొటోను సైతం పోస్ట్ చేశారు. 

More Related Stories