English   

ఇంతకీ రానా దగ్గుపాటి ఎన్ని సినిమాలు చేస్తున్నాడు..

ranad
2019-09-27 21:35:17

అభిమానుల్లోనే కాదు సాధారణ ప్రేక్షకులకు కూడా ఇప్పుడు ఇవే అనుమానాలు వస్తున్నాయి. ఎప్పుడు చూసినా ఏదో ఒక సినిమాతో బిజీగా ఉండే రానా.. నేనే రాజు నేనే మంత్రి సినిమా తర్వాత ఇప్పటివరకు మరో సినిమా తీసుకొని రాలేదు. ఎన్టీఆర్ బయోపిక్ మహానాయకుడులో కాసేపు కనిపించాడు ఈయన. బాహుబలి తర్వాత నేనే రాజు నేనే మంత్రి, ఘాజీతో పాటు ఎన్టీఆర్ బయోపిక్ చేసాడు రానా. ఆ ఊపు కొనసాగించడంలో మాత్రం పూర్తిగా వెనకబడి పోతున్నాడు. చేతిలో అరడజను సినిమాలు ఉన్నా ఒక్కటి కూడా అనుకున్న సమయానికి విడుదల కావడం లేదు. ఇదే ఇప్పుడు అభిమానులను టెన్షన్ పెడుతోంది. హాథీ మేరే సాథీ, 1945, హౌస్ ఫుల్ 4 సినిమాలతో పాటు మరో మూడు సినిమాలకు కూడా కమిట్ అయ్యాడు రానా. ఇప్పుడు వేణు ఊడుగుల దర్శకత్వంలో కూడా ఒక సినిమా చేస్తున్నాడు.

విరాటపర్వం సినిమాలో సాయి పల్లవితో కలిసి నటించబోతున్నాడు దగ్గుపాటి వారసుడు. ఈ చిత్ర షూటింగ్ మొదలైంది. ఎన్ని సినిమాలు చేస్తున్నా కూడా ఏది ఎప్పుడు వస్తుందో రానాకు కూడా క్లారిటీ లేదు.. ఇందులో 1945 చారిత్రక నేపథ్యం ఉన్న సినిమా.. దాంతో దానికి ఇంకా కొద్దిగా టైం పడుతుందంటున్నారు రానా. సత్య శివ ఈ చిత్రాన్ని తెరకెక్కిస్తున్నాడు. దాంతోపాటు హౌస్ ఫుల్ 4 సినిమా ఇదే ఏడాది ప్రేక్షకుల ముందుకు రానుంది. కానీ ఇందులో రానా హీరో కాదు. హాథి మేరీ సాథి సినిమా కూడా ఎప్పుడు వస్తుందనేది క్లారిటీ లేదు. దాంతో వరస సినిమాలు చేస్తున్నాడు కానీ వాటి విడుదలపై మాత్రం మనసు పెట్టడం లేదు రానా.

 

More Related Stories