English   

బోయపాటి కోసం భోజనం మానేసిన బాలయ్య.. 

Balakrishna
2019-10-03 18:10:10

అవునా.. అదేంటి.. ఎందుకు అలా చేస్తున్నాడు అనుకుంటున్నారా..? ఒక్కసారి కమిటైతే పోకిరిలో మహేష్ బాబులా తన మాట తనే వినడు నందమూరి బాలకృష్ణ. సినిమా కోసం ఏం చేయడానికైనా సిద్ధంగానే ఉంటాడు. అప్పట్లో ఎన్టీఆర్ బయోపిక్ కోసం చాలా కష్టపడ్డాడు బాలయ్య. కానీ అది దారుణంగా నిరాశపరిచింది. ఇక ఇఫ్పుడు కేఎస్ రవికుమార్ సినిమాతో బిజీగా ఉన్నాడు. ఈ సినిమా కోసం కొత్త లుక్ ట్రై చేస్తున్నాడు బాలయ్య. ఇప్పటికే ఈ లుక్ కూడా వైరల్ అయిపోయింది. ఈ సినిమా కోసం దాదాపు 10 కేజీలు తగ్గిపోయాడు బాలకృష్ణ. రవికుమార్ సినిమా తర్వాత 106వ సినిమాను లక్కీ డైరెక్టర్ బోయపాటి శ్రీనుతో ప్లాన్ చేస్తున్నాడు బాలయ్య. ఈ కథ కూడా ఫైనల్ అయిపోయింది. జయ జానకీ నాయకాను నిర్మించిన మిర్యాల రవీందర్ రెడ్డి దీనికి నిర్మాత. త్వరలోనే సెట్స్ మీదకు వెళ్ళబోతున్న ఈ సినిమా కోసం బాలయ్య ఏకంగా 25 కేజీల బరువు తగ్గుతున్నాడు. కథ ప్రకారం బాలయ్య అందులో సన్నగా కనిపించాలి. అందుకే ఈ సాసహం చేస్తున్నాడు బాలకృష్ణ. దీనికోసం రోజు జిమ్ లో 5 గంటలు కష్టపడుతున్నాడు. దాంతోపాటు వైట్ రైస్ తీసుకోవడం మానేశాడని తెలుస్తుంది. డైట్ లో మార్పులు కూడా చేసాడు బాలయ్య. సింహా, లెజెండ్ లాంటి సినిమాల తర్వాత బాలయ్యతో బోయపాటి చేయబోయే సినిమా ఇది. అంచనాలు కూడా భారీగానే ఉన్నాయి. ఇందులో బాలయ్య ద్విపాత్రాభినయం చేస్తాడని తెలుస్తుంది. ఒకటి యంగ్ రోల్.. అందుకే ఈ చేంజోవర్ కోసం ట్రై చేస్తున్నాడు బాలకృష్ణ. మొత్తానికి భారీ బడ్జెట్ తోనే ఈ చిత్రాన్ని ప్లాన్ చేస్తున్నాడు బోయపాటి శ్రీను. వినయ విధేయ రామ ఫ్లాప్ తర్వాత ఈయన చేస్తున్న సినిమా ఇది. 

More Related Stories