English   

రామ్ రెడ్ కి కొబ్బరికాయ కొట్టేశాడు...రిలీజ్ కూడా

 Ram RED
2019-10-30 11:53:55

చాలా కాలంగా హిట్ లేక ఇబ్బంది పడుతున్న రామ్ ఇస్మార్ట్ శంక‌ర్‌ తో సూప‌ర్ హిట్టు కొట్టాడు. అసలు హిట్టే లేక ఇబ్బంది పడుతున్న క్రమంలో త‌న కెరీర్‌లోనే ఇదే బిగ్గెస్ట్ హిట్‌ అందుకుని అత్య‌ధిక వ‌సూళ్లు అందుకుంది. ఆ విజ‌యానందంలోనే ఈరోజు మ‌రో సినిమాకి కొబ్బరి కాయ కొట్టాడు. రామ్ క‌థానాయ‌కుడిగా స్ర‌వంతి మూవీస్ బ్యానర్ మీద `రెడ్‌` అనే సినిమా ఈరోజు పూజా కార్యక్రమాలతో మొదలయ్యింది. కిషోర్ తిరుమ‌ల ద‌ర్శ‌క‌త్వం వ‌హిస్తున్న ఈ సినిమాకి దీపావ‌ళి సంద‌ర్భంగా ఫ‌స్ట్ లుక్ కూడా విడుద‌ల చేశారు. ఈ లుక్‌లో ఊర మాస్‌గా క‌నిపిస్తున్నాడు రామ్. 

నవంబర్ 16వ తేదీ నుంచి ఈ సినిమా రెగ్యులర్ షూటింగ్ మొదలుకానుంది. ఈ సినిమాలో రామ్ డ్యుయల్ రోల్ చేయనున్నట్టుగా వార్తలు వస్తున్నాయి. అందులో ఒక హీరోయిన్ గా మాళవిక శర్మను రెండో హీరోయిన్ గా నివేద పేతురాజ్ ను ఎంపిక చేసుకున్నట్టుగా సమాచారం. డిఫరెంట్ లుక్ తో రామ్ కనిపించనున్న ఈ సినిమాకి, మణిశర్మ సంగీతాన్ని సమకూరుస్తున్నాడు. త‌మిళ సూపర్ హిట్ తడమ్ సినిమాకి ఇది రీమేక్‌. క‌థ‌లో భారీ మార్పులు చేర్పులూ చేసిన‌ట్టు తెలుస్తోంది. 2020 వేస‌విలో విడుద‌ల చేయాలని ప్లాన్ చేస్తున్నారు.  

More Related Stories