నితిన్ పెళ్లి వచ్చే నెలలో...ఎక్కడంటే
టాలీవుడ్‌లో మోస్ట్ ఎలిజిబుల్ బ్యాచిలర్స్‌ లిస్ట్‌లో ఉన్న హీరోలలో నితిన్ ఒకరు. ఇండస్ట్రీకి వచ్చిన 17 ఏళ్లు అవుతున్నా ఈ యంగ్ హీరో పెళ్లి ఊసే ఎత్తటం లేదు. గతంలో చాలా సార్లు నితిన్ పెళ్లిపై వార్తలు వినిపించినా ఆ వార్తలు అన్నీ పుకార్లుగానే తేలిపోయాయి. అయితే ఆయన సడన్ గా తన పెళ్లి ప్రకటన చేసేశాడు. నితిన్ పెళ్లాడబోయే అమ్మాయి లండన్‌లో ఎంబీఏ చదివిన షాలిని అని తెలుస్తోంది. నాలుగున్నరేళ్ళగా వీరిద్దరు ప్రేమలో ఉన్న వీరు ఈ ఏడాది ఏప్రిల్ లో పెళ్లి చేసుకునేందుకు ఏర్పాట్లు కూడా జరిగాయి. పెళ్లిని డెస్టినేషన్ వెడ్డింగ్ తరహాలో చేసుకునేందుకు ప్లాన్ చేసి దుబాయ్‌లో ఈ పెళ్లి వేడుక ప్లాన్ చేశారు. ఏప్రిల్ 16న ముహుర్తం పెట్టుకున్నారు అయితే కరోనా ఎఫెక్ట్‌ ఎక్కువగా ఉడటంతో సామాజిక బాధ్యత దృష్ట్యా పెళ్లి వాయిదా వేసుకోవడమే మేలని నితిన్ భావించినా తాజాగా కీలక నిర్ణయం తీసుకున్నట్లుగా విశ్వసనీయ వర్గాల సమాచారం.
ప్రస్తుతం పాజిటివ్ కేసులు అంతకంతకు పెరుగుతున్న నేపథ్యంలో ఇప్పట్లో పరిస్థితులు కుదుట పడే అవకాశం లేదని భావించి డెస్టినేషన్ వెడ్డింగ్ ప్లాన్ ని క్యాన్సిల్ చేసి వచ్చే నెలలో హైదరాబాద్ శివారులోని ఒక ఫామ్ హౌస్ లో నితిన్ షాలినిల వివాహం చేయాలని ఫిక్స్ అయ్యారట. ఈమేరకు ఏర్పాట్లు కూడా జరుగుతున్నాయట. ప్రస్తుతం నితిన్ చేతి నిండా సినిమాలతో ఫుల్ బిజీగా ఉన్నాడు. లాంగ్ బ్రేక్‌ తీసుకుని ఏడాది పాటు అంజన్న మల వేసుకున్న నితిన్ తరువాత వరుసగా సినిమాలు అంగీకరించాడు. ఇప్పటికే వెంకీ కుడుముల దర్శకత్వంలో భీష్మ సినిమా రిలీజ్ కి రెడీ కాగా, రంగ్‌దే, చంద్రశేఖర్‌ ఏలేటి, కృష్ణ చైతన్యల దర్శకత్వంలో కూడా సినిమాలు చేసేందుకు అంగీకరించాడు.
