English   

పాన్ ఇండియా స్టార్ గా ఎదుగుతున్న రామ్ చరణ్

Ram Charan
2021-03-30 15:13:09

తెలుగు ఇండస్ట్రీలో ఇప్పటి వరకు పాన్ ఇండియా స్టార్ అంటే ప్రభాస్ ఒక్కడే. బాహుబలి, సాహో సినిమాలో ఆ ఇమేజ్ సంపాదించుకున్నారు ఆయన. ఇప్పుడు చరణ్ కూడా పాన్ ఇండియా స్టార్ గా ఎదుగుతున్నాడు. ఈ జనరేషన్ లో అందరికంటే ముందు హిందీలో అడుగు పెట్టాడు చరణ్. 8 ఏళ్ల కింద ఈయన హీరోగా జంజీర్ సినిమా వచ్చింది. అయితే అది నిరాశ పరచడంతో మళ్లీ బాలీవుడ్ వైపు వెళ్లలేదు రామ్ చరణ్. అయితే ఇన్నాళ్ళకు ఆయన తన కెరీర్ కు పక్కా స్కెచ్చులు వేసుకుంటున్నాడు. 

ఇప్పుడు నేరుగా బాలీవుడ్ సినిమా కాకుండా పాన్ ఇండియన్ కథలతో ముందుకెళ్లడానికి సిద్ధం అవుతున్నాడు. ప్రస్తుతం ఈయన చేస్తున్న సినిమాలు కూడా అలాగే ఉన్నాయి. ఆచార్య పక్కన బెడితే హీరోగా నటిస్తున్న ట్రిపుల్ ఆర్ సినిమాకు బాలీవుడ్ లోనూ అదిరిపోయే క్రేజ్ ఉంది. కారణం రాజమౌళి దర్శకుడు కావడమే. ఈ సినిమాలో జూనియర్ ఎన్టీఆర్ కూడా నటిస్తుండటంతో అంచనాలు మరింత పెరిగిపోయాయి. ఇందులో అల్లూరి సీతారామరాజు పాత్రలో నటిస్తున్నాడు రామ్ చరణ్. ఆ సినిమా తర్వాత శంకర్ దర్శకత్వంలోనూ ఓ పాన్ ఇండియన్ సినిమా చేస్తున్నాడు రామ్ చరణ్. 

వరసగా ఇద్దరు అగ్ర దర్శకులు.. పాన్ ఇండియన్ వైజ్ మార్కెట్ ఉన్న దర్శకులతో సినిమాలు సెట్ చేసుకుని తన స్థాయిని మరింత పెంచుకుంటున్నాడు మెగా వారసుడు. ఈయన ప్లానింగ్ కూడా అలాగే ఉంది. ముందు ట్రిపుల్ ఆర్ తో అక్కడ గుర్తింపు తెచ్చుకుని.. ఆ తర్వాత శంకర్ సినిమాతో పాగా వేయాలని చూస్తున్నాడు. శంకర్ సినిమాలో ఎలాంటి గ్రాఫిక్స్, విజువల్ ఎఫెక్ట్స్ ఉండవు.. కేవలం పొలిటికల్ ఎంటర్ టైనర్ గా ఈ సినిమాను తెరకెక్కించబోతున్నట్లు తెలుస్తుంది. ఈ రెండు సినిమాలతోనే తన రేంజ్ పెంచుకుని.. నెక్ట్స్ లెవల్ కు వెళ్లాలని చూస్తున్నాడు మెగా వారసుడు. శంకర్, రాజమౌళి సినిమాల తర్వాత రామ్ చరణ్ పాన్ ఇండియన్ హీరో అయిపోవడం ఖాయం.

More Related Stories