English   

ప్ర‌భాస్ పెళ్లి.. ఎపిసోడ్ నెం.2000..

Will Prabhas Give Any Statement on his Marriage After Saaho..?
2018-09-27 06:58:14

అంతేమ‌రి.. సీరియ‌ల్ కంటే సీరియ‌స్ గా సాగుతుంది ప్ర‌భాస్ పెళ్లి డ్రామా. అవును అన‌రు.. కాద‌న‌రు కానీ లాగుతూనే ఉంటారు. ప్ర‌భాస్ ఏమో పెళ్లి ఎప్పుడు అంటే ఏమో అంటాడు.. కృష్ణంరాజు మాత్రం ఇదిగో ఇప్పుడే అంటాడు. తెలుగు ఇండ‌స్ట్రీలో మోస్ట్ ఎలిజిబుల్ బ్యాచ్ ల‌ర్ గా మారిపోయాడు ప్ర‌భాస్. వ‌య‌సు 38 వ‌చ్చినా ఇంకా పెళ్లికి దూరంగానే ఉన్నాడు ఈ హీరో. బాహుబ‌లి త‌ర్వాత ఈయ‌న పెళ్లి పీట‌లు ఎక్కుతాడంటూ వార్త‌లు బాగానే వ‌చ్చాయి. కానీ అది జ‌రగ‌లేదు. ఇప్పుడు బాహుబ‌లి వ‌చ్చి ఏడాది దాటింది. సాహో కూడా స‌గం పూర్త‌యింది.. ఇంకా పెళ్లికి నో అంటూనే ఉన్నాడు ప్ర‌భాస్. ప్ర‌స్తుతానికి సాహోపైనే త‌న దృష్టి ఉంద‌ని.. అది పూర్త‌య్యాకే ఏదైనా అంటున్నాడు ఈ హీరో. అయితే ఈ సినిమా త‌ర్వాత రాధాకృష్ణ సినిమా కూడా సిద్ధంగా ఉంది. అప్పుడు అడిగితే రాధా సినిమా అయిపోయిన త‌ర్వాతే పెళ్లి అంటాడేమో..?
 
ఇప్పుడు వినిపిస్తున్న వార్త‌ల ప్ర‌కారం అక్టోబ‌ర్ 23న ప్ర‌భాస్ బ‌ర్త్ డే కానుక‌గా ఆయ‌న పెళ్లి ముచ్చ‌ట కూడా చెబుతార‌నే వార్త‌లు వినిపిస్తున్నాయి. అయితే దీనిపై ఇంకా క్లారిటీ అయితే రాలేదు. కానీ ఖచ్చితంగా ఆ రోజు ఏదో ఒక‌టి తేల్చ‌డానికి పెద్దాయ‌న సిద్ధంగా ఉన్నార‌ని తెలుస్తుంది. ఈ మ‌ధ్యే సాహో ముచ్చ‌ట్ల గురించి మాట్లాడుతూ.. పెళ్లి గురించి ఓ విలేకరి అడిగిన ప్రశ్నకు ప్రభాస్ సమాధానమిస్తూ.. తన వ్యక్తిగత విష‌యాలు బ‌య‌ట చెప్ప‌డం త‌న‌కు ఇష్టం ఉండ‌ద‌ని చెప్పాడు. చాలామంది త‌నకు ఎఫైర్లు ఉన్నాయ‌ని.. పెళ్లి ఎప్పుడు అవుతుంద‌ని అడుగుతున్నార‌ని.. కానీ అది త‌న ప‌ర్స‌న‌ల్ అని.. అది బ‌య‌ట చెప్ప‌డం అనేది త‌న‌కు ఇష్టం ఉండ‌ద‌ని.. అది మీడియా వారే అర్థం చేసుకోవాల‌న్నాడు ప్ర‌భాస్. ఏదేమైనా ఇప్పుడు వినిపిస్తున్న వార్త‌ల ప్ర‌కారం ప్ర‌భాస్ ఖచ్చితంగా 2019లోనే పెళ్లి పీట‌లెక్క‌డం ఖాయంగా క‌నిపిస్తుంది.

More Related Stories