English   

అనుష్క గారూ 38 వచ్చేసాయి.. ఇక పెళ్లెప్పుడు మరి..

anu
2019-11-08 08:06:59

అనుష్క పెళ్లెప్పుడు.. నిజంగానే ఇది ఒక గండికోట రహస్యం. ఎందుకంటే ఎప్పుడు అడిగినా ఇప్పుడు అప్పుడు అంటుంది కానీ ఆ అప్పుడు ఎప్పుడో చెప్పడం లేదు అనుష్క. తాజాగా ఈమె 38వ పుట్టిన రోజు కూడా జరుపుకుంది. వయసు 40కి వస్తున్నా కూడా ఇంకా పెళ్లి మీద ధ్యాస లేదు అంటుంది ఈ జేజమ్మ. ప్రస్తుతానికి సినిమాలతో బిజీగా ఉంది అనుష్క. ఏడాదిన్నరగా సినిమాల‌కు దూరంగా ఉన్న ఈ ముద్దుగుమ్మ.. ఇప్పుడు కోన వెంకట్ నిశ్శబ్ధం సినిమాతో చాలా సైలెంట్ గా వచ్చేస్తుంది. ఈ చిత్ర షూటింగ్ ఎక్కువ భాగం అమెరికాలోనే జరిగింది. ఇప్పటికే విడుదలైన టీజర్ కూడా సినిమాపై అంచనాలు పెంచేసింది. ఇందులో ఛాలెంజింగ్ పాత్రలో నటిస్తుంది అనుష్క.

దీనికి ఎప్పట్లాగే మరోసారి ఇప్పుడు కాదు అంటూ తప్పించుకుంది ఈ భామ‌. పెళ్లెప్పుడు అంటే తగిన వరుడు దొరికినప్పుడు అంటూ సమాధానం చెబుతుంది అనుష్క. మరి ఆ తగిన వరుడు ఎప్పుడు దొరుకుతాడు అంటే సమాధానం చెప్పడం లేదు. ప్రభాస్ తో అనుష్క‌కు ప్రేమాయణం నడుస్తుందని కొన్ని రోజులుగా ఇండస్ట్రీలో వినిపిస్తున్నాయి. అయితే దీనిపై ప్రభాస్ మాత్రం అలాంటిదేమీ లేదని ఖండించాడు. అనుష్క తన స్నేహితురాలు మాత్రమే.. తమ బంధాన్ని త‌ప్పుగా అర్థం చేసుకోవ‌ద్దంటూ అభిమానుల‌ను కోరుతున్నాడు. ఇక అనుష్క కూడా ప్రభాస్ తో పెళ్లి అంటే నవ్వుకుంటుంది. తను మంచి స్నేహితుడు అంటూ కొట్టిపారేస్తుంది. మరి ఈ ముద్దుగుమ్మ పెళ్లి ఎప్పుడు జరుగుతుందో చూడాలి.

More Related Stories