విజ‌య్ సేతుప‌తి, శ్రుతిహాస‌న్ ‘లాభం’ సెన్సార్ పూర్తి



labham movie censor completed
2021-09-07 21:52:21

విజయ్ సేతుపతి, శ్రుతిహాసన్ జంటగా తెలుగు, తమిళ భాషల్లో తెరకెక్కిన చిత్రం ‘లాభం’. ఇందులో జగపతిబాబు, సాయి ధన్సిక ప్రధాన పాత్రలు పోషించారు. ఎస్‌.పి.జననాథన్ దర్శకత్వంలో తెరకెక్కిన ఈ చిత్రాన్ని లాయ‌ర్ శ్రీరామ్ స‌మ‌ర్ప‌ణ‌లో శ్రీ గాయత్రీ దేవి ఫిలిమ్స్ పతాకం పై నిర్మాత బత్తుల సత్యనారాయణ(వైజాగ్ సతీష్) తెలుగులో విడుద‌ల చేస్తున్నారు.  హరీష్ బాబు ఎగ్జిక్యూటివ్ ప్రొడ్యూసర్. ఈ సినిమా సెన్సార్ కార్య‌క్ర‌మాల‌ను పూర్తి చేసుకుని క్లీన్ యు సర్టిఫికేట్‌ను పొందింది. వినాయకచవితి సందర్భంగా సెప్టెంబర్ 9న సినిమాను విడుద‌ల చేస్తున్నారు.

ఈ సంద‌ర్భంగా చిత్ర నిర్మాతలు మాట్లాడుతూ “విజయ్ సేతుప‌తి, శ్రుతిహాస‌న్ జంట‌గా న‌టించిన ‘లాభం’ తెలుగు, త‌మిళ భాష‌ల్లో భారీ ఎత్తున విడుద‌ల‌వుతుంది. సినిమా సెన్సార్ కూడా పూర్త‌య్యింది. క్లీన్ ‘యు’ సర్టిఫికేట్ వచ్చింది. విజయ్ సేతుపతి గారు డిఫరెంట్ పాత్రలో, లుక్‌లో క‌నిపించ‌బోతున్నారు. అన్ని వ‌ర్గాల ప్రేక్ష‌కులు చూసి ఎంజాయ్ చేసేలా క‌మ‌ర్షియ‌ల్ హంగుల‌తో డైరెక్ట‌ర్ ఎస్‌.పి.జ‌న‌నాథ‌న్ సినిమాను రూపొందించారు. ప్ర‌తి పాత్ర ఆక‌ట్టుకుంటుంది. ముఖ్యంగా విజ‌య్ సేతుప‌తి, జ‌గ‌ప‌తిబాబు పాత్ర‌లు  ఢీ అంటే ఢీ అనేలా ప్రేక్ష‌కుల‌ను మెస్మరైజ్ చేస్తాయి. విజయ్ సేతుపతి చిత్రాన్ని తెలుగులో విడుదల చేస్తున్నందుకు గర్వంగా ఉంది” అన్నారు.

More Related Stories